13/11/2018 Ogni anno a Trieste San Nicolò si mette in moto, un’iniziativa benefica, promossa dal Circolo Ricreativo della Polizia Locale di Trieste che grazie all’evento raccoglie donazioni per aiutare i bambini meno fortunati.
Durante il pomeriggio del 1 dicembre, centinaia di moto (partecipano i più importanti gruppi motociclistici della regione) si raggrupperanno per creare una grande parata che scorterà per tutto il centro città per poi concludere in Piazza Unità.
Quest’anno la manifestazione è arrivata alla sua 22esima edizione ma nonostante ciò pare vengano fatte sempre le stesse domande. A questo problema la soluzione la porta la signora Barbara Blasco sul gruppo facebook ufficiale “San Nicolò si mette in moto – gruppo ufficiale”.
Ecco le domande più frequenti con tanto di risposta, ovviamente in triestin!
Domande (fin troppo) frequenti e risposte (molto ironiche) sull’evento:
D: Ciò ma, proprio in dicembre dovè far? Xe freddo!R: San Nicolò xe in dicembre… podessimo provar a chieder al Vaticano se i ne lo sposta, ma credo che i ga altro de far 😉 Comunque femo anche l’edizion estiva, el primo sabato de luglio 👍🏻
D: e se piovi?
R: femo lo stesso! I fioi ne speta!! Te se immagini se a ti, de picio, i te gavessi dito “eh, San Nicolò sto anno no xe vegniudo perchè pioveva” 😦
D: ma posso vegnir con la moto de pista?
R: la ga la targa? La xe assicurada?
D: no, ma tanto xe “solo” per quel giorno…
R: allora NO, no te pol, neanche “solo” quel giorno
D: ma posso vegnir con la minimoto, el triciclo, i pattini, la bici, l’aquilon, el carretto de nonna, el mus, o qualsiasi altra roba?
R: 😫 solo se i xe assicuradi e idonei alla circolazion. Te la fazo breve: se te caschi e te se fa mal, xe “ciodi”… se te caschi e te ghe fa mal ad altri, xe “ciodi” ancora più amari, quindi xe nel tuo interesse che el tuo veicolo sia a norma 😜
D: ma mio fio de 5 anni pol vegnir con la sua moto? El xe bravo sa!! El va in giro per el cortil con la sua motoretta da quando che el xe nato
R: no… perchè xe un corteo de 500-600 moto e se el picio casca o se qualchidun lo tocca, i te lo struca e te lo riporti a casa version “palacinka”
D: ma xe obbligo de pre-iscrizion?
R: no, basta vegnir in piazza Oberdan sabato 1 dicembre alle 13:00 (partenza 13:45).
D: ma quanto costa?
R: no xe nessun obbligo de pagar, ma se te ga piacer de contribuir, te pol cior la maietta o i gadgets (alle Torri i prossimi 2 week end o, quel che resta, el 1/12, prima della partenza)
D: ma siccome no rivo a passar a cior le maie, te me metti via settordici, de cui un poche de S, un per de XXL e quel che resta de M… dopo in caso, se vegno a far el giro, te dago i soldi
R: 😫 semo alle Torri per 4 giorni (2 week end), 12 ore al giorno, proprio per dar a tutti modo de passar. E sarà ancora un poche de maie anche el giorno dell’evento, se te rivi presto. Le xe TUTTE taglia unica XXL, da metter sora ai giubbotti e le costa 12€ (che va INTERAMENTE ai fioi)… quindi no sta rabiarte ma no, no rivo a mettertele via…
D: ma posso vegnir a dar una man allo staff?
R: (evvivaaaaaa! Finalmente una bella domanda!) MA CERTOOOO!!! Chiunque pol darne una man! Più semo, meio xe! Passa alle Torri i prossimi due week end, cavite el giubotto e sta con noi quanto che te vol 😃 Oltre a iutarne, te vederà de persona che TUTTI i fondi raccolti va veramente ai fioi!
D: e posso anche dar una man el giorno dell’evento? Ghe tegnisi sai…
R: ma chi te son, l’omo dei miei sogni? 😜🤣 certo che te pol! Passa alle Torri che te contemo tutto oppur parla con qualchidun dello staff prima della partenza del giro!
D: ma siccome go vestiti e zogatoli usadi, posso portali quel giorno?
R: grazie, ma per favor no: quel giorno portemo solo roba nova perchè alcuni dei fioi ga gravi problemi de salute e no pol toccar oggetti/vestiti che magari ma batteri… e no xe bel dirghe “a ti zogattolo novo e a ti invece uno usado”
D: MA PERCHÈ NO PENSÈ AI FIOI NOSTRI? QUEI XE TUTTI STRANIERI CHE NO GA VOIA DE FAR NIENTE E I RUBA
R: te sa che parte dei fioi che conoseremo xe triestini? E che tanti altri xe italiani? E che i altri xe FIOI che oltre a gaver gravi malattie i ga anche “la sfiga” de esser nati in paesi de guerra e che no i ga nessuna colpa per questo?
Ma se no te vol vegnir, no sta preoccuparte… ghe darò mi un regaletto da parte tua alla picia che xe saltada su una mina… 👋🏻
D: ma perchè tutte le mie domande inizia con “ma”?
R: xe quel che me son sempre chiesta mi, nei ultimi 21 anni 😜
D: ma te son sempre cusì ranzida o solo el giorno dell’evento?
R: de solito un poco de meno, ma quel giorno son un pelin sotto stress, quindi no ste ciaparvela se no ve riconosso o se me fermo poco a ciacolar o se par che no ve scolto 😅
Giulia Livia
(riproduzione riservata)
